ZIKR-e-ILAHI

BISMILLAH IRREHMANIRRAHIM

SALALLAHU ALAN-NABI AL-UMMI WA A'ALEHE SALALLAHO ALEHE WASALLAM SALATAN WA SALAMUN ALAYK YA RASOOL ALLAH-

----------x----------x----------x----------x----------x----------x----------x----------x----------x----------x

YA ALLAH:-

Raat ko sote waqt (100) Baar Padh liya Karen, Insha Allah Shayateen ki Shararat, FAALIj o LAQWE Ki Aafat se Mehfooz Hogi-

YA MALIKO:-

Jo Gharib o Nadaar (90) Baar Rozana Padha Kare Insha Allah Ghurbat se Najat Paye-

YA MUHAYEE YA MUMEETO:-

Saat (7) Baar Padhkar Rozana Apne Ooper Dumm Karliya Kijiya, Insha Allah Azz o Jall Jadoo Asar Nahi Karega-

*********************************************************************************

YA SAMEA (يا سميع):-

Imaam Ahmad Raza Farmate hain is Ism ka padhne wala MUSTejaab Al-Dawat ho jata hai- Is Ism ke Padhne wale ko chahiye ki  FAHESH, GHEEBAT se Apne Kaan o Zabaan ko bachaye- Agar Rozana Fajar ki Namaaz ke Baad"FASAYAKFEEKAHUMU ALLAHU WAHUA SAMEA UL ALEEM" SAAT MARTABA PADHE MUSHKILAAT SE MEHFOOZ RAHE-

**************************************************************************************

SHEFA-E-AMRAAZ KE LIYE MUJARRIB AMAL:-

YA SALAMU YA ALLAHU"- ( يا سلامُ يا اللهُ )

Marz shadid mein Mariz ke sarhane Baith Kar Istarah Padhe Ke Tasbih Mariz ke Sar Se Muss(Chuna) hoti rahe- Jub Tasbih khatam ho Oos Tasbih ko Mariz ke Takye ke neeche Rakh De- Doosre Din Waqt e Muqarrerah ya kuch Qabl phir Tasbih nikal kar Oosi Tarah Padhe- Aur Tasbih Sarhane Rakh De- Isi Tarah Teen Din ya Teen Shab Ye Amal Kare aur Tasbih Mariz ke Sarhane Ta-Shefa hi Rakhi Rehne De(Namaaz ke fouranbaad amal sahi hai- Amal se pehle kuch Sadqa zaroor karen)- Insha Allah Jald Shefa Ho-Ameen.

*******************************************************************************

YA RAZZAQ'O- ( يا رزّاقُ)-

Rizq zaruriyat e Zindagi ka naam hai- Ism Ya Razzaq'o Ke Padhne Wale ko Khazana-e Ghaib se Rozi Milti hai -

Jo Koi Subah Sadiq Ke Baad, Namaz e Fajr se Pehle Apne Makan Ke Charon Konon Par Khade Hokar 10-10 Baar Ya Razzaq'o Tilawat Kare, Kabhi Ooske Ghar Mein Zaaf Ya Muflisi na ho

Tariqa:-

Ghar Mein Qiblah Rukh Khada ho, aur Dahine(Seedhe) Haath ke Kone Se Shuru Kare, Aur Is Kone Se Doosre Teenon Kone Tuk Is Tarah Jaye Ke Qible Se Rukh Na Phire- Aur Har Goshe Mein Qibla Rukh hi Khade Hokar Ye Ism Padhe- Bahut Mujarrib hai-

********************************************************************************
YA RAQIBO (يا رقيبُ  )

Ye Ism-e-Paak Husn o Jamal, Aulaad, Maal, Karobar, Kheti, Mulazemat waghaira ke liye hai-
Agar kisi ke Husn-o-Jamaal, Aulaad, Maal, Izzat, Ke Haasid o Dushman zyada hon, Ya kisi ki Mangni ho chuki ho, aur Hasedin Darmyan mein hail ho jayen aur kashidgi paida karne ki koshish karen, ya kashidgi paida kar di gayee ho, " TO IS ISM KA WIRD KARNA CHAHIYE"-
Jo Maal o Milkiyat, bawajah dushmani o Hasad ke cheen lee gayee ho oos ke husool ke liye bhi iska amal behtar hai-
Ghar Baar, Kheti waghaira ko tanha chhorte waqt Dushman ke nuqsan pahunchane ka khatra ho to is Ism ko Saat(7) baar padhkar jiski hifazat maqsood ho oos ke gird Dumm karde wapasi tuk Insha Allah koi Nuqsan na pahuncha sake(Zafar Jaleel)-